سلام | كيفكم
باقي اقل من اسبوعين على نهايه السنة وأكيد نحتاج بلانر لتنظيم افكارنا خططنا وأهدافنا.
وهذي من احب التدوينات عندي واحب اكتب عنها وراح احط لكم بالاخر روابط لتدويناتي السابقة عن البلانر اذا حبيتوا تتطلعون عليها وتاخذون منها افكار.
يلهه نبدا تدوينتنا 🙊🙏🏽
الملف او الغلاف
هو اساسًا دفتر عادي وبحلقات وانا طبعت اوراق البلانر واضفتها له، طلبته من موقع banggood و*موجود اشكال منه في جولي شيك بعد*.
الجيب الورقي
هالجيب اخذته من مدونة وحدة اجنبيه مسويته وبس تطبعونه وتقصونه وتلصقون الاطراف وحطيت داخله الاستكرات *عندها مطبوعات ثانية سجلوا بالايميل ونزلوها اذا تحبون*
تقدرون تطبعونه من هنا
التقويم السنوي (الهجري والميلادي)
الميلادي جا مع نفس الدفتر ، طبعت الهجري بس وطبعته لحاله لان اذا جو مع بعض تصير الارقام صغيرة ومو واضحة ابد 💔💔 كان ودي يكون الميلادي معه الهجري لان نهاية الميلادي بتكون سنة جديدة بالهجري غير اللي طبعتها *ضيعت من وين حملته بس حطيت لكم واحد ثاني*
حملته من هنا
صفحة الافكار
انا صممتها بنفسي عشان اذا احتجت مكان للكتابة، راح احط لكم رابط فيه كل اللي صممته هنا
تقسيمة للبلانر (الفاصل)
هالفاصل انا بعد صممته لاني ابغى شي حلو وبمزاجي اللي في بنترست حلوات بس مو مره، فصممت هالمزيون 🙊💖
للتحميل هنا
للتحميل هنا
مهام السنة
بعدها حطيت صفحة مهام للسنة كاملة تصلح للمهام الثابتة والمهمة بحيث تصير مرجع شامل للسنة كلها.
تقدرون تطبعونه من هنا
قائمة الامنيات
للاشياء اللي تبون تشترونها وما تبون تنسونها او تحتاج ميزانية وتبون تجمعون سعرها بس تكتبون الغرض وسعره والمحل.
تقدرون تحملونها من هنا
اهدافي
تقدرون تقسمون الصفحة على حسب نوع الهدف او تقسمونها بالشهور هالشي راجع لكم.
تقدرون تحملونها من هنا
100 يوم انجاز
هالصفحة احسها تنفع لايام الاجازة والايام اللي عندكم مهام كثيرة بس ما فيه شي يحفزكم فتصير زي التحدي بينكم وبين نفسكم *ممكن تحطون مكأفاة بالنهاية*.
*مالقيت مصدرها الاصلي:(*
افكار
صفحة ثانية صممتها بنفسي بعد تقدرون تحطون فيها كل اللي تحتاجونه او الافكار المهمة اللي تبون تتذكرونها.
تقدرون تحملونها من هنا
أنوي ان
صفحة لمتابعة هدف معين وتقسيمه لخطوات اصغر، حملته من متجر سيرة.
تقدرون تحملونها من هنا
مخطط للمدونة
لتدوين المواضيع اللي بتكلم عنها والافكار اللي تحبون تنتبهون لها قبل نشر التدوينة، حملته من بنترست.
تقدرون تحملونها من هنا
صفحة القراءة الفعالة
اخذتها من كتاب طيب من نوتة، عبارة عن صفحة للكتب اللي راح اقراها ان شاء الله + صفحة للاقتباسات.
تقدرون تطلبون الكتاب من متجر نوتة او موقع فانيلا اذا حبيتوه.
الفاصل
هذي التقسيمة او الفاصل انا اللي سويته ورق شفاف وحطيت عليه هالاستكر وكتبت عليه.
التقويم الشهري
طبعت نسختين نسخة بالعربي ونسخة بالانجليزي، النسخة الانجليزية الحلو فيها انها فيها تقسيمات مثل قائمة تسوق والمواعيد الهامة، وجاهز بحجم البلانر اللي استخدمه A6 وحتى مكان التخريم محدد، ويوفر في الورق لانها حاطة ثلاث شهور بورقة وحدة، *عندها مطبوعات ثانية واحجام ثانية لو تحبون تطبعونها*، تقدرون تحملونه من هنا.
ملاحظة: تقدرون تسون نفس فكرتها في توفير الورق بالوورد وتدرجون مربعات بحجم صفحة البلانر اللي تستخدمونه ⬅️ تحطون تعبئة بصورة وتدرجون الصفحات اللي بتطبعونها وتطبعون وجه وقفا *يارب وصلت الفكرة كويس*.
النسخة العربية تصميمها حلو بس ما فيها تقسيمات بس فيها على الجنب مكان للملاحظات، تقدرون تحملونها من هنا.
ملاحظة: *ياكثر ملاحظاتي* التقويم اذا حطيتوه وجه وقفا ممكن يبدا الشهر من اليوم اللي بالقفا مو بالوجه فتضطرون تقلبون الصفحة عشان تشوفونه بس ما عندي مشكلة انا مع هالشي 🙊
قائمة المهام
قائمة المهام كنت طالبة من الموقع ورق مسطر وارسلوا لي ورق مهام ؟؟ صراحة لو كان مو حلو كان زعلت بس طلع احسن من اللي طلبته 😂😂
تقدرون تطلبونه من هنا
*صار الترتيب تقويم الشهر وبعده قائمة مهام وبعده ورق دفتر عادي وهكذا، ما حطيت تقويم اسبوعي ويومي لاني ما احتاجها بس تقدرون تلقونها بسهولة في بنترست*
الاستكرات
حملتها من بنترست ورتبتها بالوورد اخذت اللي احتاجه وخليتها بحجم البلانر وطبعتها.
هنا تدويناتي السابقة ممكن تفيدكم:
وبس اتمنى فادتكم التدوينة وما طولت عليكم واشوفكم بتدوينات ثانية 🙏🏽
ولا تنسون تضيفوني بسناب:
