تصميم ثيم بسيط للحفلات بإستخدام picsart

9:46:00 م

سلام | كيفكم

من اهم الاشياء في الحفل بعد الكيكة هو ثيم الحفل والثيم هو اللي يميز الحفلة وخاصة في التصوير الغالب يستصعب تصميم الثيم والبعض يشتريه جاهز مع ان طريقة التصميم جدا سهلة 👌🏽 راح اعلمكم طريقتي باستخدام برنامج بالجوال وهو picsart تابعوا معي الخطوات:

اول شي نحدد نوع الحفل والوانه عشان نقدر نشتغل على التصميم:
انا اخترت حفل تخرج والالوان ذهبي وابيض واسود 🎓

بعدها تتوجهون لبنترست عشان تختارون الباترن اللي بتشتغلون عليه ابحثوا بكلمة "pattern wallpaper" اختاروا اللي يعجبكم ..

انا اخترت هالاثنين، بعدها فتحت Picsart وبديت اعدل على اللي مخطط


بعدها تختارون خيار "شكل القناع" عشان تحطون الباترن اللي بتكتبون عليه الجملة زي كذا ⬇️ 

حددوا الشكل اللي يعجبكم من الاشكال اللي تحت، واللون اللي تبونه، واذا تبون تحطون صورة او باترن ثاني زي اللي استخدمته حطوا "نمط الخلفية" واختاروا من الموجود او اختاروا "اختر من المعرض" واختاروا اللي تبون 👌🏽 طبعا الدائرة الصغيرة اللي مقسومه من النص هذي عشان تحددون الخلفيه تكون على برا او على جوا << ما ادري كيف اشرحها 💔💔 "السعة" تحددون منها اللون اذا تبونه خفيف او قوي، بعدها نحط تطبيق عشان نثبت الخيارات وبعد هالخطوة ما نقدر نتراجع

بعدها نقص الصورة على حسب رغبتنا سواًء دائري او مربع انا اخترت مربع ونجي لخطوه ادراج ملصق من خيار "لاصق" واذا ما حصلتوا شي مناسب اختاروا خيار "اضافة صورة"⬇️

انا اخترت لاصق قبعة التخرج 🎓 ومن خيار "النص" ادرجت عبارة "class of 2017" 

خيارات النص ما راح اشرحها لانها واضحة جدا 🙊


وبس كذا صار عندنا ثيم بسيط وسهل والامر راجع اكيد لذوقكم ومناسبتكم، ومن الوورد تقدرون تتحكمون بحجم الصورة وبعدها تطبعونها 🙏🏽

وبس، اي سؤال اكتبوه لي وانا ان شاء الله بجاوبكم 🙊💘💘
ان شاء الله اعجبتكم التدوينة | 👋🏼

You Might Also Like

15 التعليقات

  1. جميييل 😍💟👌🏼

    ليش انا طول حياتي اشوف ان تصميم الثيمات من اعقد الأشياء!

    ردحذف
  2. لو سمحتي ممكن تحطي الرابط

    ردحذف
  3. ما قصرتي برنامج اروع من رائع

    ردحذف
  4. ما قصرتي برنامج اروع من رائع

    ردحذف
  5. ابي اسم البرنامج

    ردحذف
  6. شو نوع الورق اللي بتطبعوا الثيمات عليهم ؟ مابعتقدA4 لأنهم اثقل

    ردحذف
    الردود
    1. انا اطبعه على اي فور يفي بالغرض بس ممكن تستخدمين ورق مقوى اذا حابة

      حذف
  7. ابي اسم البنامج لو سمحتي

    ردحذف
  8. هذا البرنامج الي اسوي الثيمات بس ماعرفت كيف استخدمه

    ردحذف
    الردود
    1. اذا ما عرفتي لشرحي بتلقين شروحات كثير باليوتيوب

      حذف
  9. كيف اطبع الثيم جاوبيني لو سمحتي

    ردحذف
    الردود
    1. اهلا وسهلا
      تقدرين بعد ما تحفظين التصميم، تدرجينه بوورد كصورة وتحددين المقاس وتطبعينه بعدها

      حذف