اعمال بعجينة السيراميك اصنعها بنفسك 12:15:00 ص السلام عليكم ورحمة الله وبركاته مرحبا | كيفكم اليوم راح اشارككم اعمال بسيطة سويتها بعجينه السيراميك، فواصل كتب، وحامل للكروت، ومنظم للسماعات 🙈🍃 اول شيء ضروري تحطون سفرة تحت العجينة عشان ما تحوس المكان نبدأ بمنظم السماعات بعد ما تفردون العجينة تقصونها بالقالب (أنا استخدمت كوب صغير)، بعدها تقصون مثلثات من الجوانب بهالشكل تنتظرونها يوم كامل تجف وبعدها تلونونها بالطريقة اللي تحبونها وترررااا ✨ صار منظم السماعة جاهز 🍃 حامل الكروت وبالنسبة لحامل الكروت مجرد ما تكورون قطعة من العجينة وتغرسون فيها مشبك ورق بهالطريقة بعدها تنتظرونها تجف يوم كامل وتلونونها اذا حابين وتكون جاهزة للاستخدام 👌🏽 فاصل الكتاب نحتاج ورق مقوى او ورق بلاستيكي ونشكل شكل قطوة وغيمة وندخل الورق فيها بهالطريقة تجاهلوا انها مو واضحة المعالم 🌚💔 بعد ما تجف نرسم عليها بهالشكل ومن الجهتين ان شاء الله تكون الأعمال اعجبتكم وعشان تلقون اعمال اكثر ابحثوا ببنترست بـ clay ideas 💡 وبس اشوفكم بتدوينات ثانية مع السلامه 👋🏼 دمتم بحفظ الرحمن ✨
