بما اننا في عصر التصوير والسناب شات صارت من اهم الاشياء بالحفلة او المناسبة هي الفلتر 🙊

و لكذا بشارككم طريقة عمل الفلتر من الجوال باستخدام برنامج picsart اللي سبق تكلمت عنه بهالتدوينة هنا اللي ممكن تفيدكم بعد 👌🏽

هنا

الفلاتر تقدرون تسوونها من السناب نفسه او تصممونها من موقعهم او من الفوتوشوب بس احس من الموقع وسناب محدوده الافكار والفوتشوب يحتاج خبرة فالاسهل هو برنامج picsart

من اشهر التطبيقات اللي فيها فلاتر جاهزة وتحتاج تعديل بسيط هي canva.

نبدأ شرح picsart

هذي واجهة البرنامج بعد ما نضغط زر الزائد راح تطلع لنا خيارات (تحرير، عمل تصويري، رسم، لاصق) راح نختار رسم.

بعدها راح تفتح لنا هالصفحة راح نختار انشاء جديد ونختار حجم 1080*1920 اللي مكتوب تحته عالي الجودة.

وبعد ما نختار هالخيار يطلع لنا اما نضيف صورة او لاصق طبعًا لازم تحرص ان الصور اللي بتحطينها بالفلتر تكون بصيغة png يعني بتحطين صورة ورد تكتبين بقوقل "ورد png” لان هالصيغة بخلفية شفافة وما تغطي الفلتر، او اذا ما تبين تبحثين بقوقل تقدرين تختارين خيار "لاصق" وتكون جاهزة بالصيغة المناسبة.

بخانه اللاصق تقدرون تبحثون عن الصور اللي تبونها

بعد ما تنسقون الصور، يجي وقت اننا نشيل الخلفية البيضاء وتبقى الشفافة وهالشي من الخيار الاخير تطلع لكم قائمة وتضغطون العين.

خطوة الكتابة

بعد ما نخلص التصميم نضغط السهم اللي فوق عاليمين، من خيار النص نكتب اللي نبي ونغير الالوان او نظيف ظل ونكبر الحجم ونصغره وبعدها نضغط "تطبيق" اللي فوق عاليمين. وبعدها نضغط السهم اللي عاليمين ونحفظها. 

وللتركيب بس تحتاجون فيزا، طريقة تركيب الفلتر من مدونة الجميلة علياء

هنا

وبعد التركيب راح يوصلكم التاكيد عالايميل