٣ كيكات بالميكرويف في دقيقة
10:30:00 صبسم الله الرحمن الرحيم
سلام كيفكم 💛
بما اننا بالخريف وبدأ الليل الطويل والاكل الكثير 🌚💔
جبت لكم ثلاث وصفات لكيكات سريعة بدقيقة ونص 🙊💖
تقريبًا الوصفة ثابتة بس النكهة اللي تتغير وكل وحدة الذ من الثانية 😋
كيكة الشوكلاته
المكونات الثابتة:
بيضة
4 ملاعق دقيق
5 ملاعق سكر
رشة باكنج بودر
رشة ملح + رشة فانيلا
ملعقتين زيت
النكهات :
نص ملعقة صغيرة نسكافية
ملعقة صوص شوكلاتة
الطريقة: نحط كل المكونات بكوب يدخل الميكرويف ونخفقها كويس بشوكة ونتاكد ان ما فيه دقيق متكتل وبعدها ندخلها الميكرويف لدقيقة وثلاثين ثانية بحرارة عالية لمتوسطة .. وبالعافية 😋
كيكة بزبدة الفول السوداني
وبنفس المكونات الثابتة السابقة نضيف لها فقط: ملعقة زبدة فول سوداني
وبعدها نخفقها كويس وبعدها ندخلها الميكرويف لدقيقة وثلاثين ثانية بحرارة عالية لمتوسطة .. وبالعافية 😋
كيكة التفاح بالكراميل
هذي أكثر وصفة ما توقعت انها تنجح بس طلعت ألذ وحدة 😢💛
وبنفس المكونات الثابتة السابقة نضيف لها فقط: ربع تفاحة مقشرة ومقطعة مكعبات، ربع ملعقة قرفة مطحونة، ملعقة كراميل.
وبعدها نخفقها كويس وبعدها ندخلها الميكرويف لدقيقة وثلاثين ثانية بحرارة عالية لمتوسطة .. وبالعافية 😋
وفي النهاية:
تقدرون تضيفون النكهات اللي تحبونها مثل: مارشيمللو، كوكيز مكسر، لوتس وإلخ ...
وتقدرون أيضًا تستبدلونها بمكونات صحية أكثر مثل السكر بسكر ستيفا وهكذا...
وبس ان شاء الله التدوينة عجبتكم
دمتم بحفظ الرحمن
0 التعليقات