سلام | كيفكم
بهالتدوينة راح اتكلم عن تطبيقات احسها مهمة وما استغني عنها للجوال، سوا بمجال العمل او الحياة، راح اتكلم عنها بأختصار واكيد اذا حملتوها راح تكتشفونها اكثر ...
برنامج التقويم الهجري:
هالبرنامج شامل لكذا غرض ومن اهمها: يطلع لك التاريخين الميلادي والهجري، اوقات الصلوات، التحويل من هجري لميلادي والعكس، وغير كذا تقدرون تسجلون مواعيدكم المهمة فيه، ويقدم لكم تواريخ المناسبات المحلية.
وغير انكم تقدرون تختارون الثيم اللي تبونه وتحطون تنبيه لمواعيدكم وغيره كثير👌🏽
برنامج my stc:
احس هالبرنامج مهم جدًا لعملاء stc لانه ببساطه يتحكم في كل تعاملاتك معهم يستعرض لك فواتيرك، نقاطك، متابعة استخدامك لباقة الانترنت، واقرب الفروع لك وغيره.
برنامج اشحن:
هالبرنامج اسهل برنامج لشحن الرصيد بس تعبون البيانات الاساسية مثل شركة شريحتكم ورقم الهوية لاول مره تحملونه، ويصير كل مره تحطون رقم بطاقة الشحن بس ويطلع لكم رقم جاهز تنسخونه وتلصقونه بالهاتف وبس كذا يشحن لكم.
برنامج feedly:
هالبرنامج تقدرون تتابعون فيه المدونات اللي تحبونها وتكلمت عنه هنا:
http://passion-as.blogspot.com/2016/09/feedly.html?m=1
برنامج parcel:
برنامج لتتبع الشحنات بمجرد تحط رقم التتبع وتختار شركة الشحن وبعدها تقدر تتابع وين وصلت شحنتك 👌🏽
برنامج google maps:
اتوقع ما يحتاج اشرحه 😅👌🏽 تحط الموقع اللي بتتجه له ويطلع لك الطريق << ليتك ما شرحتي 😂😂 غير انه يطلع الوقت المقدر للوصول واوقات العمل لهالمكان وغيره، الحلو فيه انه اسهل من المتصفح بكثير 👌🏽
برنامج google translate:
احس هالبرنامج مهم مره وخاصة ان فيه ميزة ترجمة الصور بحيث مجرد ما تحط الكاميرا عالكلام يترجمه او حتى صورة عادية، غير انه يترجم الكلام الصوتي وكذلك يدعم الترجمة بدون نت وبهالطريقة تفعلها:
برنامج gmail:
هالبرنامج بالنسبة لي افضل مية مره من البرنامج اللي بالجوال وخاصة اني استخدم جيميل، وطبعًا مميزاته كثييرة 👌🏽
برنامج picsart:
هالبرنامج اشهر برنامج للصور وفيه اغلب مميزات البرامج الثانية وهو البرنامج اللي اسوي فيه صور تدويناتي 👌🏽 وسويت ثيم للحفلات عن طريقه بهالتدوينة
http://passion-as.blogspot.com/2017/01/picsart.html?m=1
برنامج vsco:
اكثر برنامج تأثيرات عالصور احبه تقدر تختار التأثير اللي تبيه بالأضافة للتعديلات الثانية اللي موجودة فيه.
ملاحظة | اصحاب الاندرويد ابحثوا بالاسم وراح تطلع لكم 🙆🏼💘
وفي النهاية | اتمنى تعجبكم التطبيقات وتفيدكم 🙊💘
مع السلامة | 👋🏼
