نصائح مفيدة | التسوق الالكتروني

10:01:00 م


سلام | كيفكم

 اليوم بتكلم بهالتدوينة عن كذا نصيحة ممكن تفيدك في التسوق الالكتروني وقد توفر لكم فلوسكم بعد 🙏🏽 يلا نبدأ:


تجربة كل الاكواد:

مجرد ما تكتبين في قوقل اسم الموقع وجنبه code راح يطلع لك أكواد كثيرة جربي لين تلقين المناسب لك، لان احيانًا يطلع خصم بالنسبة وخصم بالمبلغ مثل 10‎%‎ و10$ هنا جربي الاثنين وشوفي وش اللي يخصم لك أكثر


قراءة التعليقات:
خاصة اذا كانت اول تجربة للمنتج او في شراء الملابس والاكسسوارات، بعض المشترين يكتبون رأيهم ويحطون صور للمنتج وهالشي يساعدك في الاختيار.


مشاركة الاراء:
بعض المواقع تعطي نقاط اذا شاركتوا ارائكم في مشترياتكم واذا وصلتوا لعدد معين من النقاط تحصلون على خصم.


زيادة قطعه عشان الشحن:
هالنصيحة للمواقع اللي تقدم شحن مجاني او سعر ثابت عالشحن بعد شرائك بسعر معين مثل: جولي شيك، اذا بقى لك 15 ريال ويصير الشحن سريع ومجاني لا تدفعين سعر الشحن الغالي، اضيفي اي قطعة بـ 15 ريال ويصير الشحن مجاني لك، منها قطعة زيادة ومنها شحنك صار ارخص 😉🙏🏽


اختيار الفرز من الاقل الى الاعلى:
هالنصيحة موجهة للي بيشترون قطع كثيرة زي العرايس او حتى اللي ناويين يجددون دولابهم منها تشوفون كل القطع اللي بسعر رخيص وتناسب ذوقكم ومنها ما يصير فيه انهيار بالميزانية 😂😂💔


رقم التتبع:
احرصوا دائما انكم تختارون الشحن برقم التتبع وخاصة من المواقع الصينية اللي توصل عالبريد السعودي لان لو ما كان عندك بريد او حتى تكتبين عنوانك غلط *مثل حالتي* للاسف انهم ما يتصلون عليك يخلونها عندهم لمدة شهر تقريبا ويرجعونها لمصدرها *وصارت لي :(* واصلا شي حلو تتابعين شحنتك وين وصلت عشان تضمنين مكانها 👌🏽 وممتع الموضوع ترا 👀💔

الدعم الفني:
غالبًا الدعم الفني يكون مباشر او لايف شات تكلمينهم ويردون فورًا وهالشي افضل من انك ترسلين لهم ايميل او تسألين احد ثاني لان المشكلة تختلف من موقع لموقع، حتى لو لغتك سيئة استعيني بمترجم قوقل وتضبط الأمور 👌🏽


وفي النهاية ان شاء الله اعجبتكم التدوينة وأفادتكم النصايح وتتهنون بأغراضكم مقدمًا 🙊💘 أشوفكم بتدوينة ثانية | 👋🏼

 ولا تنسون تتابعوني بالسناب 🌿

You Might Also Like

0 التعليقات