سلام | كيفكم
اليوم راح اتكلم عن ابرز تطبيقات الجوال للمدونين سوا للنشر في المدونة او للتعديل على الصور وبأخر جزء راح اتكلم عن نصائح عامة للتصوير
الاغلب راح تكون برامج للايفون وللبلوقر لاني استخدمها حاليا.
نبدأ بالتطبيقات اللي تساعد للنشر في المدونة:
Bloguma
للبلوقر فقط
اكثر شي مميز فيه انك تقدر تقسم التدوينة باختيارك مثلا تحط الكلام باليمين والصوره باليسار او العكس، مو شرط الكلام تحت الصورة دائمًا
للايفون فقط
Blogo
متوفر للبلوقر والوردبريس
امكانية تعديل الصور
امكانية المشاركة من التطبيقات الاخرى له مثل: اليوتيوب، تويتر، انستقرام.
للايفون فقط
Blog manager
للبلوقر فقط
هو الافضل بالنسبة لي: تعليقه قليل
وفيه اغلب المميزات الاساسية
للايفون فقط
BlogTouch free
متوفر فيه كل المميزات الاساسية والمهمة وهو الوحيد من البرامج السابقة اللي تقدرون تختارون لون الخط من خلاله
والحلو فيه خاصية كتابة التدوينات في وضع عدم الاتصال مشكلته فقط ما تقدرون تنشرون من خلاله 💔
بس تقدرون تروحون لواحد من البرامج اللي فوق وتنشرونه 🌚
موجود من المطورين نسخة للوردبريس
للايفون فقط
Feedly
من ابرز التطبيقات اللي تقدر تتابع من خلاله المدونين المفضلين لك، وتستلهم منه افكار، بمجرد ما تحط رابط المدونة بالبحث وتحط متابعة تصير اي تدوينة جديدة تظهر لك بالصفحة الرئيسية
للايفون والاندرويد
تكلمت عن التطبيق هنا.
برامج تعديل الصور:
Vsco
افضل محرر صور بالنسبة لي فيه كل الخيارات اللي تحتاجونها للتعديل على الصور بالاضافة للتأثيرات الجاهزة
ايضًا تقدرون تنسخون نفس التأثير لمجموعة صور بدون ما تعيدون نفس الخطوات عليها.
للايفون والاندرويد
Picsart
تقدرون تركبون على الصور اللي بتعدلونها صور ثانية مثل: شعار المدونة او تكتبون رابطها ألخ...
الخطوات مذكورة بالتدوينتين اللي قبل
للايفون والاندرويد
المصمم
افضل برنامج بالنسبة لي للخطوط العربية وغير كذا فيه ملصقات كثيرة ممكن تساعدكم بتنسيق الصور
للايفون والاندرويد
Canva
فيه تصاميم بوسترات، هيدر لتويتر وفلاتر لسناب شات وكثير نماذج بس تكتبون عليها اللي تبون وتغيرون الصورة اذا ودكم.
للايفون فقط
UNUM
تطبيق لجدولة صور الانستقرام، ويوضح لك شكل البروفايل من برا للناس اللي يحبون يحطون ثيم لكامل الصفحة
مجرد ما تفتحون التطبيق وتسجلون دخولكم راح تطلع لكم مربعات اللي تحت فيها صوركم اللي حاطينها بالانستقرام واللي فوق فارغة تضغطون عليها وتدرجون الصورة
واذا تبون تكتبون من خيار الريشة، اذا بتحطون الصورة بالانستقرام اضغطوا شعار الانستقرام راح يفتح صفحة الانستقرام الصقوا الكلام لانه راح يحط نسخ للي كتبتوه
*يا رب فهمتوا*
للايفون والاندرويد
نصائح التصوير:
لما بديت التدوين شفت كثير فيديوات عن التصوير على اساس اتعلم *وللحين ما تعلمت كويس🌚* ولخصت اغلب النقاط المهمة في الملاحظات وبشاركها هنا لانها قد تفيدكم.
من أهم النصائح:
الخلفية: للتحسين من شكل الصورة مثلا: نحط تيشيرت، او مفرش وهكذا.
عمق الصورة: اللي يعتبر مفهوم الصورة مثلا اطلع اتجاه الشخص ووين رايح عشان يعطي معنى للصورة وما تطلع كأنها مبتورة.
المثلث: تحتوي الصورة بهالقاعدة على ثلاث عناصر بشكل مثلث في الصورة بحيث ما يطغى عنصر على الثاني.
قاعدة التثليث: تكون الصورة بـ ٤ نقاط وثلاث اثلاث اوزع فيها عناصر الصورة مثلًا: الثلث اللي تحت للمقدمة واللي باقي للخلفية، المهم ما اقسم الصورة لنصفين فقط
ومهم اوازن الصورة بحيث احط نقطه فيها العنصر المهم واللي عكسها عنصر اقل اهمية مثلًا: اذا حطيت جبل في النقطة اللي يسار فوق احط شي اقل اهمية في النقطة اللي يمين تحت
قاعدة الاعداد الفردية: بهالقاعدة دائمًا اللي بالمنتصف هو المهم وراح يجذب الانظار فورًا.
مهم تكون اضاءة المكان ممتازة، والعدسة نظيفة، وناخذ صور كثيرة باكثر من ترتيب لعناصر الصورة وبعدها يتم اختيار الافضل.
وبس اتمنى تكون التدوينة افادتكم ولو بنقاط بسيطة 💫
كونوا بخير
