السلام عليكم ورحمة الله وبركاته

مبروك عليكم الشهر وعساكم من عواده 🌙✨، هذي اول تدوينة لي عن الطبخ 🙏🏽 هالطبخة احسن ما فيها انها سريعة وما تحتاج توقفين على الفرن كثير، جربوها ويا رب تعجبكم 😩👌🏽

المقادير:

"المقادير تصلح للصينية اللي بحجم 6 حبات توست"

* توست

* جبن شرايح "اختياري"

* عصير ليمونة 

* ثوم معجون

* جبن سايل 

* علبتين قشطة

* علبتين تونة

* رشة ملح

اول شي نشيل اطراف التوست ونفردها باصابعنا ونحطها كطبقة اولى ونحط شرايح الجبن فوقها او نمسح التوست بجبن سايل اذا ما توفرت الشرايح.

الطبقة الثانية نخلط في صحن: التونة + ملعقتين جبن كبيرة + ملعقتين عصير ليمون ونحطها فوق الطبقة الثانية ونحط فوقها التوست منزوع الاطراف بعد ما نفرده.

الطبقة الثالثة نخلط في صحن: قشطة + ملعقتين جبن كبيرة + ملعقتين عصير ليمون + ملعقة صغيرة ثوم معجون + رشة ملح ونغطي فيها الطبقة الثانية من التوست، وندخلها الفرن لما تتحمر من فوق بس 🙏🏽

 وبالعافية 

تقدرون اذا حبيتوا تحطون دجاج بدل التونة او بغيتوا تضيفون مايونيز مع طبقة التونة وطبقة القشطة 👌🏽

وبس اشوفكم بتدوينات ثانية مع السلامه 👋🏼

دمتم بحفظ الرحمن ✨