تجربتي ومشترياتي من موقع Dealextreme أو dx
8:41:00 م
سلام | كيفكم
اليوم راح اتكلم عن تجربتي ومشترياتي من موقع Dx او dealextreme
الموقع الحلو فيه انه رخيص جداً و متنوع غير انه يوصل دايركت بس تحتاجون الفيزا مشكلته بس رغم ان فيه كل الاقسام بس اغلب اغراضه مو موجودة بالمخزن "out of stock" فالقسم العامر فيه بس الالكترونيات 🙊
شريت منه لاني كنت ابي قطعة بمية وخمسين ريال في موقع عربي وعنده بأقل من (50)ريال !! فرق صح 😩💔؟؟
طرق التوصيل عندهم
اما مجاني عالبريد السعودي بدون رقم تتبع واذا تبون رقم تتبع يكون بـ 1.70 دولار الا اذا قيمة طلبيتك بـ 15 دولار او اعلى فيكون رقم التتبع مجانًا واخر نوع شحن اللي هو سريع وما جربته للامانة وقيمته 34.76 دولار اللي جربته انا كان المجاني وبما ان طلبيتي كانت باعلى من 15دولار كان الرقم التتبع مجاني واخذ على ما يوصل 22 يوم لشهر تقريبا، احرصوا تاخذون رقم التتبع عشان ما تضيع شحنتكم 💔
واذا شحنتوا الاغراض عالبريد السعودي تأكدوا تحطون الرمز البريدي ورقم الصندوق صح وحطوا بعنوان الشحن اسم صاحب صندوق البريد مثلا اذا الصندوق باسم ابوك حطي ببيانات الشحن اسم ابوك لان مره وصلت شحنة للبريد السعودي باسمي ورجعوها لان اسمي مو مضمن بالصندوق :(
ونجي الحين لمشترياتي💃🏼💃🏼:
رابط القطعة:
سلك اللمبات الشهير لون اللمبات ابيض وما تتغير لالوان ثانية بس تقدرون تخلونها تأشر بحيث تشتغل وتطفي (وامضة) او تخلونها تشتغل بدون ما تطفي (ثابتة) طولها 4متر وتشتغل عالبطاريات فسهل تحطونها بأي مكان وما تتقيدون بمكان واحد✔️
رابط القطعة:
وصلة OTG اللي تقدر تشبك اي USB فيها جربت الماوس وضبط ✔️ والفلاش وضبط ✔️ الوصلة تفك الزنقات صراحة 🖐🏾 تقدر تنقل من وإلى جوالك بسهولة 👌🏽 بس المشكلة انها للاندرويد بس :(
رابط القطعة:
عدسات للجوال 5 قطع : مايكرو، عين السمكة، والعريضة او الوايد، الحافظة، القطعة اللي تتركب فيها العدسات. اكثر عدسة احبها المايكرو 👀👌🏽
الحلو فيها انها تركب على اي نوع جوال وتقدرون تشوفون ريفيوز عنها في اليوتيوب وتشوفون الاختلافات بين العدسات.
رابط القطعة:
شاشة تضاعف حجم الجوال زيادة على حجمه النصف تقريبًا مشكلتها لازم تتثبت على طاولة وغير كذا تحس الصورة مو صافية مره :( حاولت اصورها كويس بس ما عرفت 🌚💔 تصلح للناس اللي يحبون يشاركون احد الجوال اذا جوا يشوفون فيديو او شي
رابط القطعة:
ربطة الذراع للجوال << كيف تعريب الاسم 👀😂😂 مفيدة مرره للي يمشون ويبون يحسبون عدد خطواتهم وكم كيلو مشوا، حجمها حلو للايفون6 والجالكسي7 بس الايفون البلس ما اتوقع
في النهاية:
وبس اذا لقيتوا اي قطعة مو متوفرة دوروا باسمها وتلقون شي يشبه لها ✨
لهنا انتهت التدوينة واتمنى انها نالت استحسانكم 🙊💘
1 التعليقات
أول مرة اشوف هالموقع دايم اشتري من امازون .. كثير احب مشتريات الاونلاين ..
ردحذف