السلام عليكم ورحمة الله وبركاته 

مرحبا | كيفكم

اليوم ان شاء الله بشارك معكم طريقة سهلة لصنع *قاعدة كوب* من عجينة السيراميك وايضًا ممكن نسويها اكبر عشان تصير قاعدة ابريق او دلة او حتى اصغر عشان تصير قاعدة لشمعة 👏🏼 

يالله نبدأ 🙊🌿

نحتاج:

عجينة سيراميك

الوان اكريليك

سكينة 

فرادة 

في البداية حطيت الوان زجاج مع العجينة عشان تتلون ويطلع تأثير رخامي بس ما طلع اللون واضح للاسف ممكن تستخدمون الوان اكريليك بدال الوان الزجاج افضل 🙊

بعدها فردتها وقصيتها بالشكل اللي ابيه وتركتها تنشف ممكن تستخدمون قطاعات الفطاير هنا بس تاكدوا انها اكبر من الكوب اللي بتحطونه عليها، وتركتها تجف تماما

*يفضل تحطون سفرة تحت الشغل عشان ما تجيبون العيد 🌚💔*

بعد ما تأكدت انها نشفت تمامًا حطيت لصق ولونت عشان يطلع التلوين مرتب، او لونوها بالشكل اللي يعجبكم، بعدها نتركها تجف ونشيل اللصق ما نشيله على طول عشان ما تتلخبط :(

النتيجة ✨

ترررررااااا ✨

وتقدرون تستخدمونها تحت الشموع بعد كديكور 👌🏽