زمان عن التدوين واجوائه، الحين احسني متجهه للانستقرام اكثر وخاصة بالستوري، من اعمال يدوية، وتخطيط، ومشتريات وحتى مراجعات للمواقع اللي طلبت منها 🙊✔️ تابعوني هناك random_fofz عشان تشوفون هالاشياء كلها 👌🏼

عمومًا تدوينتنا اليوم عن البلاستيك المنكمش او Shrink paper، وهو ورق من البلاستك نشتريه ونرسم عليه وندخله الفرن وبعدها يصير قاسي ومتصلب، واستخداماته بأشياء كثيرة مثل: الاكسسوارات، الميداليات، فواصل الكتب، البروشات .. الخ.

طبعًا بهالتدوينة ما راح نحتاج نشتريه راح نعيد تدوير البلاستيك اللي موجود بالبيت، وراح يكون نفس الشي ونفس الفكرة 👏🏼

______________ 🔑 ______________

هذا هو النوع اللي ينكمش استخدمت الوان: شاربي وبرو ماركر في الرسم، وبعدها قصيتها، نقدر نخرمها اذا الغرض منها تعليق، لانها ما تنخرم بعد ما تدخل الفرن.

نحطها في الصينية وتحتها قصدير ونحاول نخليه مستقيم مو متعفط عشان ما يأخذ شكل القصدير، على درجة حرارة 150c ومن تحت فقط ونحطها لمده دقيقة الى دقيقتين او لين تتساوى الرسمة وتصير صغيرة. اذا تكرمشت معناها درجة الحرارة خطأ.

قبل وبعد ما دخلت الفرن مقارنة بالقلم، الحجم اصغر بكثيير ومتصلبه 👌🏼

العمل بسيط مرره وسهل وما يحتاج ادوات كثير، يصلح كهدايا مثل ميدليات بأهتمام الشخص مثل: تخصصه أو ناديه او عمله او حتى صورة له .. تكون مميزة له.

اللي مكتوب عليه رقم 1، يعطينا شكل مختلف، الحجم ما يتغير نفسه تقريبًا ويصير ابيض، بالنسبة لي ما حبيته حبيت النوع اللي ينكمش اكثر.

______________ 🔑 ______________