6 حلول تخزينية | افكار
8:49:00 م
سلام | كيفكم
بهالتدوينة راح اتكلم عن 6 اشياء راح تنقذكم من الفوضى ما راح تنقذكم حرفيًا *عشان ما تحسونها اشياء خارقة* بس راح تساعدكم بالتنظيم وتخفف الحوسة يلهه نبدأ
التعليق:
هالشي هو اجمل شي بالحياة للتخزين وما تاخذ مكان، ممكن تلصقونها باي مكان وتصير عندكم وحدة تخزين اضافيه، تقدرون تحطونها في باب الدولاب من جوا، في الدولاب من الجنب، في الجدار، على الباب، في اي مكان حرفيًا.
وتستخدم لاي شي تحتاجونه مثل: العبايات، الشنط، الملابس، الاكواب، ادوات الشعر.
بس اذا بتعلقون شي ثقيل حاولوا تتأكدون انها تتحمل كيلوات كثيرة *ينكتب عليها من برا* وتاكدوا ان لصقها جيد او استخدموا صمغ قوي من عندكم.
كيس المكنسة:
*كيف تسمياتي معكم🌚*
اشتريته من دايسو وفي احجام كثير، فكرة الكيس انك تحط اغراضك فيه وتسكره وبعدها تفتح الغطاء اللي فيه وتسحب الهواء الزايد بالمكنسة وتقفلها فورا.
هالكيس مفيد لتخزين الاشياء اللي بتشيلها في مكان ثاني مثل: ملابس الشتاء، البطانيات، ملابس الاطفال لاخوه اذا جا 🌚 وهكذا.
انا حطيت فيه ملابس الشتاء وسحبت الهواء بالمكنسة وسكرته وحطيته تحت السرير، تقدرون تحطونه فوق الدولاب او بالمخزن او المكان اللي يريحكم.
الصناديق او السلال:
من دايسو اخذتها وحطيتها داخل الدولاب عشان الملابس الصغيرة *اسمها ملابس صغيرة 🤔؟؟* مثل الشرابات او الشالات او التوبات ما تضيع ونقعد ندورها ساعة، وممكن تسخدم لاجهزة الشعر وتكون جنب التسريحة.
الرف المتحرك:
من دايسو قسم المطبخ في احجام كثيرة واشكال بعد، توفر مساحة فضيعة على المكتب او في رف الشنط بحيث تحطون شنطة عليه وشنطة تحته، او بالمطبخ للاكواب، استخداماته كثيرة.
منظم الشالات:
من محل كماليات وراح تلقونه بعد بجولي شيك، ينظم الشالات بحيث ما تاخذ حيز بالدولاب وما تستخدمون معاليق كثيرة للشالات خلاص هذا يفي بالغرض 👌🏽، وينفع بعد للتوبات.
مقسم الادراج:
من دايسو وتقدرون تقسمون فيه الدرج بالطريقة اللي تحبونها تكبرون المساحات او تصغرونها شي راجع لكم وحسب احتياجكم، العيب الوحيد فيها لازم تكون لطيف وانت تشيل الاغراض عشان ما تطيح التقسيمة :( .
نجي الحين لاستخدامات الناس لهالاشياء بطرق ثانية:
وبس لهنا انتهت تدوينتنا اتمنى انها فادتكم 🙏🏽✨
ولا تنسون تتابعوني بسناب:
بأمان الله 💫
17 التعليقات
هيلو فوفز مثل ماتقول ليدي أريج :)
ردحذفالتدوينة مفيدة جدا وحبيت عفويتك مره
حبيت الافكار و بطبق كم فكرة من عندك
سعيدة انها اعجبتك 💖🍃
حذفاكيد اللي بتسوينه بيصير اجمل 🙊🎈
شكراً لك لك على الأفكار الرائعة والمفيدة في التنظيم و توفير المساحات
ردحذفالعفو سعيدة انها اعجبتك 🍃💖💖
ردحذفتدوينة لطيفة واسلوبك جميل ضحكت على الملابس الصغيرة وملابس الطفل لاخوه إذا جاء 😂
ردحذففعلا افكآر عملية سالفة التعليق والسلات والرف المتحرك كلها تفك ازممة بفضل الله
وفقك الله
يسعدك ربي 🙊💖🍃🍃
حذفمررررره جووي هالسوالف وللأسف غفلت عنها وقت ما كنت أشتري خرابيط لبيتي الحالي لأني ما كنت أشوفها من الأساسيات لمنزل مؤقت وتحسفت كثر شعر رااسي!
ردحذفشكلي باحط مدونتك بالمفضلة عشان إذا جيت أأثث بيت جديد أرجع له 😍💕
حبيبتي روان 😭💖💖 مشكلة البيت المؤقت ما تقدرين تشترين له كثير عشان التنقل 🤔
حذفجميلة الأفكار، حلو إنها توفر مساحة وعملية في نفس الوقت
ردحذفوما تكلف بعد ✅
حذفتدوينة لطيفة جداً ، حبيت فقرة استخدامات الناس جداً تلهم ..
ردحذفانا بعد احب هالفقرة لاني من النوع اللي اذا ابي شي اشوف اراء الناس عنه، لولا الحياء جبت بنترست كله بهالتدوينة 😂😂
حذفحبيت فقرة التعليق أفكار ماخطرت على بالي
ردحذفوعلاقات الشالات مرررريحة من تجربة
اييه العلاقات فكرتها اقتصادية وحلوة.
حذفيعطيك العافية
مررررة جميلة الأفكار , توفر مساحة كثير
ردحذفالتعليقات مرة مرة تفك ازمة .
حبيت الكيس اللي نسحب منه هواء تحمست اجيبه بيوسع علي كثييير
يعطيك العافية يا جميلة
الله يعافيك ، سعيدة بمرورك 💖💖
حذفالدايسو محلي المفضل
ردحذفوالحمدلله إنو قريب من البيت ^^
شكراً لعرضك حلول بسيطة وفعالة