تطبيقات تعتني بنباتاتك ✨
4:54:00 م
بسم الله الرحمن الرحيم
سلام | كيفكم
اليوم راح اشارك معكم كذا تطبيق للمهتمين بالزراعة، سواء برامج تذكرك بمواعيد العنايه بنباتاتك، او تعطيك الطريقة الصحيحة والمعلومات المهمة للعناية بها ..
يلاا نبدأ
Gardenia
البرنامج فايدته يذكرك بالعناية بنباتاتك مثل سقايتها وتسميدها والحصاد و الخ ...
تحدد نوع النبته وبعدها تسميها وتحط لها صورة، بعدها تختار نوع العناية المطلوبة ومتى يذكرك فيها.
للايفون: هنا
للاندرويد: هنا
WaterMe - Gardening Reminders
نفس فكرة التطبيق السابق منبه للعناية بنباتاتك...
للايفون فقط: هنا
Seedling Grow
احلى تطبيق بالنسبة لي يشبه اللي فوق في انه منبه لكن للري فقط، بس اللي احبه فيه ان فيه منبه لتصوير نبتاتكم عشان تشوفون تطوراتها ومقدار نموها وبعد ١٠ ايام تصير عندكم ١٠ صور فيسوي لكم صوره متحركة لنموها بصيغة gif
تقدرون تشوفونها بانستقرامي هنا ...
للايفون فقط: هنا
نباتات الرياض
تقدرون تبحثون فيه عن النباتات اللي عندكم ويطلع لكم معلومات كامله عنها، تقدرون بعد تبحثون بطريقة الري وتشوفون المناسب لكم، وهالشي مفيد في حالة اذا ما تبون تسقون النبته كل يوم، بالاضافة لخاصية البحث بموقع الاستخدام فمثلًا تشوفون افضل النباتات في الشارع او الحديقة وغيره ... البرنامج موجود فيه اللغة العربية تقدرون تختارونها من ضبط التطبيق نفسه.
للايفون: هنا
للاندرويد: هنا
PeppyPlant
التطبيق يعطيك طريقة الاعتناء بأشهر النباتات المنزلية من ناحية الري والحاجة للشمس، مشكلته النبتات اللي فيه محدودة جدًا تقريبًا عددها ست نباتات.
للايفون فقط: هنا
PictureThis
ما يحتاج تعرف اسم النبته مع هالبرنامج بس صورها واختر الخيار اللي فيه صورة تشبه لها اكثر ويطلع لك معلومات كاملة عنها.
للايفون: هنا
للاندرويد: هنا
PlantCare
نفس فكرة البرنامج السابق بس بمعلومات اشمل واكثر.
للايفون فقط: هنا
وبس لهنا وصلنا للنهاية، أتمنى استفدتوا بهالتدوينة ..
ولا تنسون تتابعوني بالسناب 🌿
0 التعليقات