السلام عليكم ورحمة الله وبركاته 

مرحبا | كيفكم

دائمًا تصادفني مواقع جميلة ومفيدة بس مو مشهورة للاسف، وكثير منها مفيدة حتى للطلاب، وافكارها تكون غريبة وممكن البعض ما فكر ان فيه موقع يطبق هالفكرة اصلًا

فجمعت لكم المواقع اللي اعرفها يلهه نبدأ:

مترجم المواقع:

بدال ماتترجمون في قوقل جزء جزء ويضيع عليكم الوقت، هذا الموقع مجرد ما تحطون رابط الموقع او التدوينة وتختارون اللغة الاصلية ولغتكم يترجم الصفحة كاملة *ترجمته مو مره كويسة*

هنا

مدقق النصوص:

يتأكد ان النصوص الانجليزية صحيحة من ناحية القواعد والاملاء، مفيد جدًا للطلاب 👌🏽 

هنا

اختبر مفرداتك:

في الصفحة كلمات انجليزية تحدد اللي تعرف لها مرادف ومعنى واحد او اكثر بالانجليزية وبالنهاية يطلع نتيجتك كم تحفظ كلمة انجليزية ومدى اجادتك للغة

هنا

تقصير الروابط:

احيانا نحتاج نقصر الروابط الطويلة عشان تكون اسهل بالمشاركة وما يخرب شكل المحادثة ويضيع الكلام فهالموقع من قوقل يحل المشكلة 👌🏽

هنا

للبحث عن البوربوينت:

تقدر تبحث عن عروض البوربوينت المتوفرة بالنت عن طريق هذا الموقع  

هنا

للبحث في مواقع التواصل الاجتماعي:

تقدر تبحث في كل المواقع التواصل الاجتماعي في نفس الوقت وتجيب لك كل النتايج المطلوبة

هنا

توحيد مواقع التواصل الاجتماعي:

تكتب اليوزر اللي تبيه ويوضح لك المواقع اللي مستخدم فيها اليوزر واللي لا، مفيد للي بيوحدون اليوزر بدال البحث في كل تطبيق 

هنا

الباحث العلمي:

للبحث عن البحوث والدروس والمقالات الاكاديمية المنشورة في قوقل، مفيد جدًا للطلاب 

هنا

درجة الفونديشن المناسبة:

اذا تبين تغيرين الفونديشن اللي تستعملينه هالموقع بيفيدك، فقط يحتاج ماركة ونوع ودرجة اساس جربتيها وناسبتك ويعطيك البدائل والدرجة الاقرب لدرجتك 👌🏽 وموجود شرح له بقوقل 👏🏼

هنا

رسالة لنفسك بالمستقبل:

تكلمت عن الموقع بالشرح هنا الموقع باختصار تكتب رسالة لنفسك وتحدد التاريخ اللي تبي توصلك فيه وراح توصل لك رسالة منك بالماضي 🌚😂

هنا

وبس لا تنسون تتابعوني في سناب: Random_fofz

 اذا عندكم مواقع ثانية شاركونا بالتعليقات ⬇

كونوا بخير دائمًا 🙊✨