بدايات | اول يوم دوام

10:25:00 م

سلام | كيفكم


فجأة في يوم يجيكم اتصال الصبح ويقول تقدرين تباشرين معنا يوم الاحد، هنا يصير مخك فوراً يفكر قبل حتى نهاية المكالمة: وش اخذ؟، وش ألبس؟، وش طبيعة الدوام؟، كيف اتعرف عليهم؟، ألخ...
وهالشي ينطبق على البدايات كلها: بداية جامعة، بداية عمل، بداية تدريب تعاوني، نقل لمدرسة جديدة ...

يالله نبدأ تدوينتنا

أول سؤال يخطر على بال البنات وش البس:

الملابس احرصي اول يوم تكونين رسمية بما ان الانطباع يؤخذ من اول نظرة، وفي الصورة حطيت بعض النماذج اللي احسها مناسبة، لين تتعرفين على الاشياء الممنوعة والمسموحة وطبيعة المكان اذا كان برد، حر، مشي كثير او مكتبي وهكذا ...
احرصي تلبسين شوز مريح وخاصة اذا الدوام ميداني ويحتاج وقفة ومشي، الشنطة ايضًا اذا ميداني خففيها كثر ما تقدرين عشان ما تكسر كتفك.

خذي بشنطتك نوتة وقلم: أكيد ما ينفع تروحين لدوام بدون هالاشياء حتى لو تحسين شغلك ما يحتاج، مجرد احتياط 💡مره كنت بالاحوال وفيه بنات يتدربون وكانت تقولهم جايين بدون دفتر بكره جيبوا دفتر تسجلون فيه 😔💔احسني انحرجت وانا مالي دخل.

بالنسبة للفطور: أكيد ما راح تقعدين بدون اكل طول اليوم، فاحتياط خذي قهوتك بكوب حافظ للحرارة واكل خفيف لانك ما تعرفين الظروف اللي هناك، ممكن ما يكون فيه مجال تشترين او هم نظامهم كل شخص يجيب اكله من البيت.
البعض ممكن اذا رفضت الاكل معهم ممكن يحس انك انطوائي اذا عزموك لبي العزيمة وغالبا جيبي فلوس عشان اذا بيطلبون ويفضل يكون معك فكة *صرف*.

بالشغل: لا تحاولين تسووين فاهمة بشغلة ما تعرفينها اسالي قبل عشان ما تخربين شغلهم *من قال نكبتهم وصارت ما تخليني اسوي هالشغلة ابد🌚*
احرصي توصلين قبل وقت الدوام بعشر دقايق واحسبي حساب زحمة الطريق :(
خذي اوراقك الرسمية للدوام وكل الاوراق اللي تحتاجينها، تأكدي بطاقة الاحوال تكون معك.
ادري الكل متحمس يوثق اول يوم دوام ويصور احداثه، بس ماله داعي في اول يوم لكم يحسونكم ما تتركون الجوال ابد ويأخذون فكرة انكم مهملين.

وبس هذي خلاصة تجربتي البسيطة في التدريب التعاوني وان شاء الله تستفيدون منها.

وبس لهنا انتهت تدوينتنا اتمنى انها فادتكم 🙏🏽✨
ولا تنسون تتابعوني بسناب:

بأمان الله 💫

You Might Also Like

7 التعليقات

  1. حبيت النصائح فعلاً عملية ()
    تدوينة لطيفة وجميلة فوفز ����❣️

    ردحذف
  2. شكراً على النصائح عجبتني صور البلايز الرسمية وبالفعل الملابس مهمة لأنها تعطي انطباع عنك

    ردحذف
  3. تدوينه خفيفة ولطيفة
    ونصائح جميلة

    ردحذف
  4. احب التدوينات من هالنوع ، الله يكتبلي واجرب هالشعور قريب على خير
    حبيت التنبيهات الاساسية اللي مع انها اساسية إلا اننا اوقات نغفل عنها ، يعطيك العافية ..

    ردحذف