تطبيقات تساعد في تأثيث منزلك 🏠

8:56:00 ص

السلام عليكم ورحمة الله وبركاته 
مرحبا | كيفكم

تطبيقات للديكورات

اليوم راح استعرض معكم تطبيقات تساعدكم في اتخاذ القرار في ما يتعلق بالاثاث وصبغ الجدران وما آخره ... خاصة ان القرارات الصعبة تبدأ من الصبغ لين النباتات، كل التأثيث قرارات صعبة للامانة 🌚😂😂

ــــــــــــ 🏠 ــــــــــــ

IKEA place


افضل برنامج تستخدمونه قبل تشترون اي قطعة من ايكيا، تبحثون فيه عن اي قطعة تبونها وتتاكدون انها تناسب اثاثكم من الكاميرا بحيث يحطها لكم 3D .
ايفون: هنا
اندرويد: هنا

Roomle 


يساعدكم في تخطيط الغرفة وتوزيع الاثاث، تحدد ابعاد الغرفة، ومكان الباب واكيد الشبابيك وبعدها تصممون الغرفة.
الحلو فيه انه يوريك الغرفة اللي صممتها بثلاث اشكال: شكل سطحي تشوف الغرفة من فوق، وشكل 3D ، وشكل يوضح لك الغرفة وكأنك تمشي فيها.
ايفون: هنا
اندرويد: هنا

Room planner


نفس الفكرة اللي فوق تقدرون تصممون من الصفر، بس فيه ميزة زيادة الا وهي ان فيه غرف جاهزة مصممة وتقدرون تشيلون او تضيفون اثاث وهالشي حلو اذا مافيه فكرة معينة براسكم.
ايفون: هنا
اندرويد: هنا

Project color 


يعطيكم امكانية تجربة لون صبغة الجدار قبل تصبغونه فعليًا، تصورون الجدار المطلوب تختارون اللون وبعدها يبين لكم النتيجة، حلو في حال تبون تغييرون لون الجدار والاثاث نفسه وتشوفون يناسب او لا، الخيار الثاني فيه يعطيكم الالوان اللي تناسب لون الجدار او الاثاث بحيث تعطيكم افكار للالوان اللي بتدخلونها، اخر خيار فيه هو اذا عندكم لون محدد تبحثون عنه وتشوفون اذا يناسبكم او لا.
ايفون: هنا
اندرويد: هنا

ــــــــــــ 🏠 ــــــــــــ
وبس لهنا وصلنا للنهاية، أتمنى استفدتوا بهالتدوينة ..
 ولا تنسون تتابعوني بالسناب 🌿

You Might Also Like

0 التعليقات