تحدي | 7 أيام بدون انستقرام
6:50:00 م
بسم الله الرحمن الرحيم
سلام | كيفكم
قد جربتوا تبعدون عن تطبيقكم المفضل أسبوع كامل ؟؟
ادري مو تجربة صعبة بس تجربة حلوة خاصة انها تخلي عندكم وقت فراغ اكثر، بالنسبة لي انا ما يضيع وقتي الا على الانستقرام من مقطع في مقطع، السناب عندي عادي اخلص سناباتي وما افتحه الا اليوم الثاني
فقررت ما افتح الانستقرام لمدة ٧ ايام واشوف انجز اكثر او لا يضيع وقتي بباقي البرامج بعد 🌚💔
________________ 🌟 ________________
اليوم الاول:
غيرت مكان الانستقرام بما انه كان بالشريط السفلي للصفحة وحطيت بداله برنامج الكتب *عشان اقرأ غصب* 😂😂 وما يصير افتحه بالخطأ 🌚
بس لازم الاخطاء افا عليكم 😂😂 اختي ارسلت مقطع من انستقرام بالواتساب وفتحته بالغلط وسكرته بسرعة حاولت افتحه بالطريقة اللي اعلق على الرابط ويفتح صغير ما ضبط وكنسلت اصلا القانون قانون *محد انقهر* 🌚💔
*خلال الاسبوع كامل ما انفتح الا هالثانيتين*
اليوم ختمت رواية "قواعد العشق الاربعون" كان باقي لي فيها ٤٠ صفحة تقريبًا وخلصتها 🙊👌🏼
تعويض اليوم كان باليوتيوب بدال الانستقرام 😂😂 بس اليوتيوب اهون لاني اصير مركزة على شغلي واسمعه بس ما يضيع وقت يعني 💅🏼 << لقيت حجة 🌚
اليوم الثاني:
خلصت كتاب "اربع وعشرون ساعة من حياة امرأة" اليوم 💪🏼 105 صفحات تقريباً، الرواية حلوة وخفيفة، تتكلم عن 24 ساعة غيرت حياة امرأة وظلت محتفظة بذكراها لين جا اليوم اللي قالت كل اللي صار من احداث بهالساعات لشخص قابلته.
اليوم كتبت كثير بالقلم، من زمان عن الكتابة، حاولت فيها احسن خطي بالانجلش بس اكتشفت انه حلو ما يحتاج 🌚💔 كان ودي اصوره لكم بس ما صورته احترامًا لنفسي بما انه خالي تماما من الاخطاء الاملائية 🙃💔
اليوم الثالث:
اليوم ما كان منجز مرره كونه خميس بس سويت كنت ماجلته لاني مستصعبته بس يوم سويته حسيت ما يسوى 💪🏼 بكره الخطط فُل 👏🏼
اليوم الرابع:
اليوم صورت طريقة ماسك قبل احطه واستخدمت طريقة الـ stop motion اول مره استخدمها حبيتها مرره ✅ متحمسة يخلص الاسبوع عشان احط لكم الفيديو 🕺🏼🕺🏼
ورجعت للمشي بعد غياب شهر تقريبًا 🌱
وسويت حساب في تويتر random_fofz
لا تنسوون تتابعوني 🙏 مو من محبين تويتر مرره انا بس احسه حلو لطاقة السوالف 😂😂
اليوم الخامس:
نظفت الالبوم بجوالي ومسحت ما يقارب الـ ٩٠٠ صورة وفيديو، كتبت كل الاشياء اللي ابيها بالسكرين شوت في ملاحظة من كتب وافلام وغيره 🙏 منها عشان ما تضيع بالصور وانساها ومنها عشان ما تاخذ مساحة
اليوم السادس:
مهمة اليوم كانت سماع كتاب صوتي ووقع الاختيار على كتاب "راوية الافلام" اول مره اسمع كتاب لاني احسني اسرح كثير بس اليوم اثبت لنفسي اني اقدر اركز اذا بغيت 🌟
اليوم المفروض بالانستقرام تنزل صورة كتب شهر مارس بس ما فيه مشكلة لو تتأخر يومين 🙆🏼♀️
اليوم السابع:
اليوم شهر جديد يعني كتاب جديد 📖 وكتاب الاسبوع الاول راح يكون "سحر الترتيب" كثير مُدونات تكلموا عنه، ان شاء الله يكون قد الحماس ✨
بكره يُفك الحظر 😂😂 متحمسة انزل بوست كتب الشهر، وبوست الماسك الـ stop motion، ابي اغير في البايو بعد 🙏
نهاية التجربة:
الحمدلله كان اسبوع منجز، ما فقدت الانستقرام كثير مع ان فيه احداث صارت ما دريت عنها مع الفاشنيستات 😂😂
هذي اكثر برنامجين استخدمتها خلال الاسبوع، توقعت اترك جوالي واقعد بدونه ساعات اكثر بس هالشي صعب كون دوامي يطفش فلازم اسمع شي او اتابع شي وانا اشتغل 😂😂
بعد اول رجوع للانستقرام قعدت ساعة الا ربع عليه لين سكر مؤقت التطبيق اللي انا حاطته 😂😂 ساحرني ذا الانستقرام 🌚💔
________________ 🌟 ________________
وبس لهنا وصلنا لنهاية التدوينة اتمنى انها اعجبتكم وكانت خفيفة عليكم.
ولا تنسون تتابعوني بالانستقرام وتويتر على: random_fofz
وهنا كود السناب شات 🌿
ولا تنسون تتابعوني بالانستقرام وتويتر على: random_fofz
وهنا كود السناب شات 🌿
5 التعليقات
أهنيك فعلا!! حسيت بأنجازك و أتذكرت نفسي لم قررت ان أفتح جوال بالمغرب فقط إلى وقت النوم وكان فعلا ممتعا! و أحببت النهار و شعرت بالانجاز.
ردحذفحبيت فكرتك بجربها ان شاء الله 🤩💛💛
حذففكرة جميله، تستحق التجربة
ردحذفو تحمست اتابعك عالانستجرام ��
حياك الله، اتشرف 💛💛
حذفمرحبا عزيزتي فوفز🤍
ردحذفحبيت ابلغك عن ترشيحي لك في مسابقة مدونات على الرابط
https://meiliplanet.wordpress.com/2020/10/04/the-liebster-award/