خطوات ونصائح | تنظيف تقويم الاسنان + اختيار لون التقويم + تطبيق ...
2:34:00 م
بسم الله الرحمن الرحيم
سلام | كيفكم
من زمان ما كتبت تدوينات تقريبًا لي ٤ شهور 🌚💔عمومًا بهالتدوينة راجعة بقوة وراح اتكلم عن تقويم الاسنان من نصائح وخطوات عامة بحكم خبرتي فيه بالاضافة لكيف نختار اللون المناسب 😂😂 ومدلعتكم بعد هالغيبة جايبه لكم تطبيق بعد 💅🏼
يلهه نبدأ:
______________ 🦷 ______________
تنظيف الاسنان:
الاختيار الصحيح لتنظيف التقويم هي فرشة الاسنان اللي اطرافها اطول من وسطها مثل الزرقاء اللي بالصورة لانها راح تنظف حول التقويم كويس، على العكس من اللي شعيراتها متساوية مثل البيضاء ما راح تكون فعالة بالتنظيف لانها توصل لمستوى واحد بس وراح يمنعها التقويم من الوصول لسطح الاسنان، حاولوا تختارونها متوسطة النعومة مو خشنة مره ولا ناعمة مره 👌🏼
بالنسبة للمعجون لا تستخدمون اللي يبيض الاسنان لانه ممكن يخرب التقويم من المواد اللي فيه، استشيروا طبيبكم قبل استخدامه.
بالاضافة لوجود فرش اسنان صغيرة للاماكن اللي بين تقويم الاسنان وموجودة بالصيدلية باشكال واحجام مختلفة ممكن تختارون من بينها اللي يناسبكم. الحلو بهالفرش الصغيرة انكم ممكن تستخدمونها برا البيت عشان تنظفون اسنانكم 👌🏼، انا استخدمها بدون معجون.
بالنسبة لخيط الاسنان بما ان الخيط صعب فيه خيط خاص بنهاية صلبة نوعًا ما، بالنسبة لي استخدم الخيط العادي ويفي بالغرض معي، بالصورة موجود جهاز بديل لخيط الاسنان يضخ الموية وتقدرون تحطون فيه غسول الفم انا اخذته من جولي شيك، للامانة مو مره حلو احس ضخه مو قوي بس فيه انواع ثانية تكون اما بالبطاريات او بالكهرب اكثر قوة وتنظف اكثر.
التخلص من الالم:
التقويم في اول الايام ممكن يجّرح باطن الفم فأفضل علاج لـ هالمشكلة هو الشمع ينحط على التقويم كحاجز بين التقويم وباطن الفم، انا ما احتجته الحمدلله فما عندي صورة له بس موجود بكل الصيدليات.
في اول اسبوع تجنبوا اكل الاشياء القاسية مثل: التفاح، والحلويات القاسية والمكسرات، واستبدلوها باشياء سهلة الاكل مثل: البطاطس، والرز والمكرونة. الاكل البارد يخفف ألم التقويم شوي، مثل: الآيس كريم.
اذا كان الالم شديد ممكن تستخدمون مسكن.
في اول اسبوع تجنبوا اكل الاشياء القاسية مثل: التفاح، والحلويات القاسية والمكسرات، واستبدلوها باشياء سهلة الاكل مثل: البطاطس، والرز والمكرونة. الاكل البارد يخفف ألم التقويم شوي، مثل: الآيس كريم.
اذا كان الالم شديد ممكن تستخدمون مسكن.
اختيار اللون:
جينا للفقرة الممتعة، اختيار اللون غالبًا يرجع لذوقك بس يُفضل الابتعاد عن الالوان مثل: الابيض لانه يخلي الاسنان صفراء نوعًا ما، والاحمر اذا تحطين روج احمر كثير لانه راح يصير الوضع كان فيه روج عالق باسنانكم.
فكروا في الألوان الأغمق مثل: الازرق الغامق، البنفسجي راح تعطي انطباع ان اسنانكم لونها افتح. وممكن بعد تختارون الشفاف اذا موجود عشان تخففون حدة التقويم ومظهره.
نصائح عامة:
عدم اهمال المواعيد لان بالالتزام راح تخلص مدة العلاج اسرع وتفكون التقويم بسرعة.
الالتزام بتركيب المثبت المتحرك او تركيب المثبت الدائم من الاساس، انا افضل الثاني للمهملين مثلي 💔 وخاصة انه يكون خلف الاسنان فما راح يبين.
الالتزام بالمغاطات اللي في نهاية مدة العلاج، راح يعلمكم الدكتور كيف تركبونها.
الاهتمام بالأجهزة المتحركة لتقويم الأسنان مثل التقويم المتحرك بالفرشة والمعجون لتنظيف أجزاءها.
عدم استخدام الاسنان في فتح العلب او البنس، انا بالنسبة لي اعتزلت فتح البنس من يوم ركبته 😂😂.
تقطيع الاكل القاسي لقطع اصغر، مثل التفاح والبرغر.
تطبيق brace reminder:
تطبيق عبارة عن منبة للاجهزة اللي مع التقويم مثل: المغاطات، التقويم المتحرك والاجهزة الثانية اللي بيوصفها لكم الدكتور، تحددون فيه: اليوم اللي بديتوا تلبسون فيه هالجهاز، كم مره المفروض تلبسونه وكل المعلومات وراح يذكركم.
______________ 🦷 ______________
وبس لهنا وصلنا لنهاية التدوينة اتمنى انها اعجبتكم وكانت خفيفة عليكم.
ولا تنسون تتابعوني بالانستقرام وتويتر على: random_fofz
وهنا كود السناب شات 🌿
0 التعليقات