مرحبا | كيفكم ✋🏾
اكيد الاغلبية يعرفون برنامج بنتريست والاغلب بعد يعتبرونه الالهام لهم لعمل اي شي 👌🏽 بحيث يطّلعون عليه قبل يبدون مشاريعهم، وانا منهم ادمنته لين صرت اعامله معاملة قوقل 😂😂✋🏾
المهم هالبوست راح اوريكم كم فكرة طبقتها منه ونتايج هالافكار✨
طبعا اعذروني على التصوير بس انا افشل وحدة بالتصوير فلا تتوقعون مني الكثير 🌚😅
اول طريقتين تختص بتزيين الزجاج باستخدام التاتو المؤقت
الادوات :
-تاتو مؤقت
-شطرطون شفاف
-مناكير
واكيد مقص والزجاج اللي بتشتغلون عليه *مو متاكدة اذا تنفع على الاكواب من حيث انها تغسل وكذا*
هذي الطريقة الاولى: بس الاختلاف اني غمسته بكوب موية ثواني وانفصلت الورقة البيضاء اللي ورا التاتو وبقى التاتو بالشطرطون وهنا تطبيقي ⬇️
لا تدققون على لون الشطرطون ولا على طريقة قصي 🌚😂😂
الطريقة الثانية: ما كان عندي البخاخ فاستبدلته بمناكير وبمجرد ما حطيته في الموية انفصلت الورقة البيضاء اللي ورا التاتو فجففته وصار معي زي الاستيكر ولصقته على العلبة
وهنا النتيجة ⬇️
الفكرة الثالثة: جداً مفيدة واعجبتني 👌🏽
حامل قلم من فاصل الكتب اللي يجي بهالشكل بس نلصق على اطرافه شريطه بحجم القلم، هنا استبدلت الشريطة بقماش جوخ بما ان كل الشرايط اللي عندي ما تنفع لانها يا نحيفة مره او عريضة بزيادة، وهنا النتيجة ⬇️
الفكرة الرابعة: تنفع للي يحبون الشموع ويحبون يستخدمون علبها بعد ما تخلص بس يعانون من بقايا الاستيكر زي هذي ⬇️
هنا كل اللي مطلوب منكم تفركون بقايا الصمغ بزيت وبعدها تغسلونها وتصير تلق 👌🏽
الفكرة الخامسة: صنع منظم كتب من صندوق شوز *أعزكم الله*
الخطوات واضحة وسهلة وهنا الناتج اللي طلع معي ⬇️طبعا انا بدال ما اسكره بكرتون عادي زي الخطوة الثالثة قصيت الغطاء على نفس المقاس وصمغته
طبعا لا تدققون اني ما زينته 🌚 المهم الفكرة اصلا 🙊
وبس
اتمنى التدوينة كانت خفيفة واستفدتوا منها القاكم بتدوينات جديدة ان شاء الله ☁️🍃
