بسم الله الرحمن الرحيم
سلام | كيفكم
باقي ايام قليلة ويجي روتين الدوامات الحلو .. احس ابغى ادرس هالسنة لها وحشة الدراسة 😭💛💛 *تعلمكم انها خريجة😂😂* عاد بهالتدوينة قررت اشارككم نصايح من خبرتي المتواضعة 👀💅🏼
طبعًا قبل البداية احب اشكر نفسي اللي جاهدت عشان تكتب البوست بالوقت المناسب😂😂
يلهه نبدأ 👏🏼
يلهه نبدأ 👏🏼
في البداية بخصوص التجهيز جهزوا الاشياء اللي تحبونها الدفاتر الفخمة والقلم اللي تحبون خطكم فيه والملابس اللي تحتاجونها، تجهزوا للمرحلة الفخمة بحياتكم بفخامة 😌💅🏼، اقروا جدولكم كويس واعرفوا المواد وترتيب الايام لان ممكن تلخبطون لان بالجدول الايام تكتب سواءً بحروف او ارقام فلا تلخبطون وتحضرون بشعبة غير شعبتكم .. مواد الرياضيات يحتاج لها دفتر لحال عشان الشرح، الباقي اجمعوه بدفتر واحد لان بس ملاحظات بسيطة والباقي بالكتاب.
لا تستحون من السؤال ابد، اذا ما عرفتوا شي اسالوا الامن انا لين تخرجت وانا اسال الامن وين كذا؟ ومن وين طريق كذا؟ وممكن تحرصون على الحضور قبل بفترة عشان تدورون براحتكم القاعات.
لا تستحون من السؤال ابد، اذا ما عرفتوا شي اسالوا الامن انا لين تخرجت وانا اسال الامن وين كذا؟ ومن وين طريق كذا؟ وممكن تحرصون على الحضور قبل بفترة عشان تدورون براحتكم القاعات.
جهزوا ملابس اليوم اللي بتداومونه قبل بيوم مو شرط تطلعينها بس اعرفي وش اللبس اللي بتداومين به بكره عشان ما تحوسين، أياك ثم أياك تداومين بالبجامة 🤦🏻♀️ حتى لو لابسة عباية فوقها لان عادي جدًا يقولون فكيها *اتوقع انكم كأول سنة متحمسين للكشخة وما فكرتوا بهالحل* خل عندكم تيشيرت المالي خلق اذا تحبون الراحة كثير🙊
خلوا معكم فكة فلوس مثلا خمسات وريالات عشان الات الاكل والقهوة خاصة انها بكل ممر وانتوا لسا ما تعرفتوا على مكان الكافتيريا وممكن ما يكون عندكم وقت للكافتيريا اصلًا
احرصوا على دوام الاسبوع الاول لو يومين فيه على الاقل عشان تتعرفون على الجامعة دام فيها ناس قليل، تتعرفون على قاعاتكم ومكان الكافتيريا والنوادي الطلابية اذا حابين تسجلون فيها، من الاشياء المهمة بعد تطبعون لكم نسخة من التقويم الجامعي عشان تحددون عليه اختباراتكم وما يصير عندكم تعارض بالمدات، غالبا تتحدد بالاسابيع الاولى لذلك مهم الحضور فيها عشان راح تقترح لكم الاستاذة تواريخ وتحددون المناسب لكم، ممكن اذا عندكم تعارض تأجلونه لكن اذا تحدد ما تقدرون تغيرونه بسهولة لان الاستاذة راح تعتمده
هنا نسخ للتقويم الجامعي:
استغلوا انكم طلاب جامعيين واحضروا الدورات والمؤتمرات اللي تصير بالجامعة، الدورات مهمة جدًا بالسيرة الذاتية والمؤتمرات ممكن تنضاف بالسجل المهاري ويحتسب لك خبرة بعدين *اسألوا عن عدد الساعات المطلوبة* الدورات اللي بالجامعة الحلو فيها غير انها مجانية بما ان اسعارها بالميتين وفوق برا الجامعة تقدرون تأخذونها بأوقات فراغكم بالجامعة بعد، تقدرون تاخذون فوق الخمس دروات بتخصصكم في الترم على حسب الدورات المطروحة.
بخصوص الغياب انتبهوا على ساعات الحرمان، او استاذنوا اذا عندكم شي مهم بحيث انك تغيبين عن هالمحاضرة وتحضرينها مع شعبة ثانية، بعض الاساتذة توافق لك وبتحضرك اذا استاذنتيها، ونقطة اخيرة انتبهوا للمشاريع اللي يطلبونها منكم لان عليها درجات كثيرة فلا تهملونها ابد.
بدايات | اول يوم دوام
وبس لهنا وصلنا للنهاية، أتمنى استفدتوا بهالتدوينة ..
شاركوا التدوينة مع الطلاب المستجدين واللي يحتاجون التقويم الجامعي.
شاركوا التدوينة مع الطلاب المستجدين واللي يحتاجون التقويم الجامعي.
ولا تنسون تتابعوني بالسناب 🌿
