اليوم جايبة لكم اسهل طريقة لمكرونة الجبنة ، فقط بالمايكرويف وما تاخذ عشر دقايق 👌🏽 يلهه نبدأ 👏🏼

المكونات:

مكرونة 

موية

شوي زبدة

فنجال حليب

جبنة شيدر مبشورة

ملح + بهارات

الطريقة:

نحط المكرونة ونصب عليها موية لين تتغطى تقريبا، ونحط الزبدة، وندخلها المايكرويف وكل شوي نطلعها ونقلبها لين تستوي، تقريبًا لخمس دقايق.

بعد ما تجهز المكرونة نصفيها من الموية الزايدة اذا فيها، ونحط عليها الحليب والجبنة المبشورة ونخلطها وندخلها دقيقة للمايكرويف.

وبس بالعافية 🤤 لا تكثرون الملح لان الشيدر مالح اساسًا، وتقدرون تستبدلون خلطة التشيدر باي صوص تحبونه للمكرونة.