ديكوباج | كوب
1:46:00 م
السلام عليكم ورحمة الله وبركاته
مرحبا | كيفكم
صايرة مفتونه بفن الديكوباج وخاصة انه من اشياء بسيطة ممكن تنتج اشياء فخمة وبسعر رخيص 👏🏼
وبهالتدوينة راح اشارككم خطوات ديكوباج على كوب 🙊
اول شي نحتاج:
كوب (او الشي اللي بنسوي عليه الديكوباج)
صمغ خشب (مخفف بموية بكمية متساوية)
ورنيش (انا استخدمت بخاخ)
الرسمة اللي بنلصقها عالكوب (ممكن نستخدم مناديل السفرة بعد ما نقصها)
الطريقة:
نطبع الصورة على ورق *فيه ناس يطبعون على ورق ساندوتش او ورق منديل راح تلقون طريقتها باليوتيوب*
بالنسبه لي طبعتها على ورق عادي وبطابعة (انك جيت) عادية، بس عشان ما يسيح الحبر بخيتها بورنيش لان البعض يقول ان الطابعة العادية اذا حطينا عليه الصمغ تسيح الرسمة
^^ كذا يكون قوام الصمغ تقريبًا
بعدها نتاكد من السطح اللي بنحط الرسمة فيه انه نظيف، ونحط صمغ ونلصق الصورة فوقه، وبعدها نحط طبقة صمغ ثانية بس فوق الصورة ونتاكد من الاطراف انها ملزقة كويس
وبعدها نترك الكوب يجف شوي ونحط طبقة ثانية ونخليها تجف وهالمرة نخليها تجف تماما.
*انا حسيت ان الصورة بارزة شوي، عشان الورق مو خفيف فحطيت واشي تيب عشان يطلع كانه ورق عادي ملصق بالواشي تيب على الكوب، فهمتوا الفكرة 🌚* المهم حطوا صمغ من فوق على الواشي تيب بعد
بعد ما يجف نظفوا الكوب اذا لصق فيه شي بشوي موية ومنديل، وبعدها بخوا الورنيش كخطوة اخيرة 👏🏼 بخوه والكوب مقلوب عشان ما يدخل الورنيش بالكوب، وتحته حطوا كيس عشان ما تتوصخ الارض وانتظروه يجف تمامًا قبل الاستخدام.
وترراااا صار هالمزيون عندنا 🙊💖
وبس لهنا وصلنا للنهاية
لا تنسون تتابعوني بالسناب 🌿
2 التعليقات
فكره لطيفه ماتوقعت اقدر اسوي ديكوباج بورق طباعه شكرا يا جميلة 💘
ردحذفحلو الديكوباج من الفنون التي اريد ان اتعلمها ان شاء الله
ردحذف