فن المكرمية | ما هي وطريقة صنع جدارية بها
1:06:00 صبسم الله الرحمن الرحيم
سلام | كيفكم
يلهه نبدا:
______________ 🧶 _____________
اول شي خل نعرف وش هي المكرمية او Macrame:
هي فن ربط الحبال في عقد بدلًا من النسج او الغزل بحيث تشكل شكلًا مفيدًا أو للديكور، تتنوع الاشكال التي لا نهاية لها تقريبًا ليصبح جاهز اما للتعليق أو التغطية أو اللف.
يقال ان لها ايضًا اصل عربي وانها من المنسوجات العربية التقليدية، لها عقدتين رئيستين: العقدة المربعة، والعقدة النصفية.
استخدمها البحارة والفلاحين قديمًا بالاضافة لمتسلقي الجبال، لصنع بعض ادواتهم وتزيينها ايضًا، استخدموا في صنعها خيوط القطن، والجلد والخرز والقواقع الخ...
يقال ان لها ايضًا اصل عربي وانها من المنسوجات العربية التقليدية، لها عقدتين رئيستين: العقدة المربعة، والعقدة النصفية.
استخدمها البحارة والفلاحين قديمًا بالاضافة لمتسلقي الجبال، لصنع بعض ادواتهم وتزيينها ايضًا، استخدموا في صنعها خيوط القطن، والجلد والخرز والقواقع الخ...
اما حاليًا فالمكرمية انتشرت كفن اكثر وانتشر استخدامها حتى هنا حتى لو ما كنا نعرف اسمها، استخدمناها وانتشرت بيننا باسم "اساور الصداقة" اذا لحقتوا عليها وسويتوها 😍😍
كثير من الناس يصممونها بكذا لون في العمل الواحد، وباحجام مختلفة من فاصل كتاب، لجدارية، وممكن ستارة بعد، واضافة انواع مختلفة من الخامات مثل الخشب، المعدن، الشرايط والخ ...
كثير من الناس يصممونها بكذا لون في العمل الواحد، وباحجام مختلفة من فاصل كتاب، لجدارية، وممكن ستارة بعد، واضافة انواع مختلفة من الخامات مثل الخشب، المعدن، الشرايط والخ ...
طريقة صنع جدارية الريشة بالمكرمية:
اول شي نحدد طول العمل اللي نبيه ونخلي الخيط الاساسي بطوله ثلاث مرات، ونثنيه مرتين يصير كل جهة الطول اللي تبون ونص.
حطوا الثنيه فوق عشان نعلقها فيها وثبتوه بلزقه او دبوس، بعد ما تثبتون خيطكم الاساسي، قصوا خيطين بطول مناسب للخيط الاساسي، نصه تقريبًا بعد ما ثنيتوه واثنوا الثنين ودخلوهم في بعض زي الصورة، واحد يصير فوق الخيط الاساسي والثاني تحته ودخلوا طرفين المفتوح في الجهة المغلقة من الثاني كذا ⬇️
بعدها شدوها وارفعوها فوق واعقدوا الخيط الاساسي في نفسه عقده عادية اطرافه في بعض زي الخطوة 5 بالصورة الاولى.
كرروا هالخطوتين اللي هي: اعقدوا خيطين في الخيط الاساسي، واعقدوا الخيط الاساسي في نفسه لين النهاية.
بعدها مشطوا الاطراف وقصوها بعد التمشيط على شكل ريشة، انا سويت العكس وطلعت محووسة شوي.
المهم بعدها اضيفوا لها اكسسوارات زي ما تحبون، انا اضفت لها سلسلة وربطت فيه عود شوي *لو جذع شجرة يطلع احلى* وخيط خيش.
النتيجة:
ملاحظة: لافكار اكثر ممكن تكتبون في بنترست macrame feathers
______________ 🧶 _____________
وبس لهنا وصلنا لنهاية التدوينة اتمنى انها اعجبتكم وكانت خفيفة عليكم.
ولا تنسون تتابعوني بالانستقرام وتويتر على: random_fofz
وهنا كود السناب شات 🌿
2 التعليقات
مررة مررة أحب هذه الأعمال ولاحظتها تستخدم كثير في التصاميم البوهيمية أو التصاميم الي تجي مايلة للطبيعة، وأحب مررة أسويها ولكني اليوم عرفت أنو لها أسم محدد وهذا راح يسهل علي بحثي نوعًا ما.
ردحذفيعطيك العافية، وحبيت مررة التعليقة الي سويتيها.
سعيدة مرره انها اعجبتك 🍃
حذف