بما اننا في بداية السنة وما زالنا بسالفة الأهداف والعادات اللي نبي نكتسبها حبيت اتكلم عن طريقتي لتحفيز نفسي على القراءة لان احد قرارات سنة ٢٠١٩ كانت كل اسبوع كتاب. 
كنت احس اني ما راح استمر مع اني احب القراءة بس قلت اجرب والى الان ولله الحمد ملتزمة، فحبيت اشارك معكم الاشياء اللي حفزتني.

وتذكروا دائمًا:

"الإنجازات الكبيرة لا تحتاج لأكثر من عادة يومية صغيرة."

يلهه نبدأ:

كل نهاية شهر اشارك صورة لعناوين الكتب اللي كتبتها بتقويم بوكتشينو في الانستقرام، وبعد انزل اقتباسات من الكتب اللي اقراها بالستوري، هالشي يحفزني عشان اقرأ اكثر كون المشاركة تخليك تلتزم دائمًا وتحس بالمسؤولية.
تقدرون تشوفونها بحسابي: Random_fofz

من اكثر الاشياء اللي احبها هي التحديات وجا تحدي بوكتشينو عشان يشجعني للقراءة، خاصة ان التحدي اللي هم مسوينه منوع وفيه كتب ما قد فكرت اقرأ عنها مثل: علم نفس الطفل!
 الحلو بعد انهم مسوين تقويم شهري للقراءة تكتبون فيه عناوين الكتب اللي قريتوها طول السنة، وبعدها يصير تكتشفون ميولكم في القراءة وتتابعون هدفكم.
بتلقون التقويم وقائمة التحدي في حساب بوكتشينو: bookccino

أكثر كلمة تنسمع حاليًا من عنده وقت يقرأ، مع ان نصف الوقت يضيع على اشياء مالها داعي، بالنسبة لي احط القراءة من ضمن الاولويات بقائمة مهامي لليوم. تقدر تنجز مهمة القراءة بأي مكان، حلو انك تقرأ بالوقت اللي تكون فيه بالانتظار، بالسيارة، قبل النوم وهكذا. انا بالانتظار ممكن اخلص صفحات يومين بما اني انلطع دايم 💔

- فكرة هالتدوينة جت بناء على اقتراح بالانستقرام من joharhworld  -

مدونتها: هنا