السلام عليكم ورحمة الله وبركاته 

مرحبا | كيفكم

الموزع العطري او فواحة الاعواد *كيف الترجمة الحرفية معكم* حل بسيط لتعطير المنزل بدون استخدام الحرارة أو الكهرباء، وبأشياء بسيطة جدًا وما تكلف ..

ياللا نبدأ شرح خطوات صنعها 👏🏼

نحتاج إلى: 

- مزهرية (صغيرة زجاجية بأي شكل)

- زيت الأطفال *انا استخدمت زيت الصبار للجسم*

- زيت أساسي *مثل زيت اللافندر* أو معطر فواحة

- اعواد شوي خشبية 

نعبي ٣ ارباع العلبة زيت اطفال و الباقي نحط المعطر ونخلطهم بالاعواد الخشبية ونقلب الاعواد عشان يساهم في نشر الرائحة.

وبس كذا انتهينا .. نزينها بالواشي تيب أو نضيف وردة اصطناعية معها ✨

وممكن بعد تعيدون إستخدام أعواد وزجاجة معطر سابقة عندكم 🙊

ملاحظة: هي صحيح بدون نار وأمنة من هالناحية بس ممكن الاطفال يشربونها او يكبونها وتوصخ المكان حطوها بمكان بعيد افضل 🌿

السلام عليكم ورحمة الله وبركاته 

مرحبا | كيفكم

اليوم ان شاء الله بشارك معكم طريقة سهلة لصنع *قاعدة كوب* من عجينة السيراميك وايضًا ممكن نسويها اكبر عشان تصير قاعدة ابريق او دلة او حتى اصغر عشان تصير قاعدة لشمعة 👏🏼 

يالله نبدأ 🙊🌿

نحتاج:

عجينة سيراميك

الوان اكريليك

سكينة 

فرادة 

في البداية حطيت الوان زجاج مع العجينة عشان تتلون ويطلع تأثير رخامي بس ما طلع اللون واضح للاسف ممكن تستخدمون الوان اكريليك بدال الوان الزجاج افضل 🙊

بعدها فردتها وقصيتها بالشكل اللي ابيه وتركتها تنشف ممكن تستخدمون قطاعات الفطاير هنا بس تاكدوا انها اكبر من الكوب اللي بتحطونه عليها، وتركتها تجف تماما

*يفضل تحطون سفرة تحت الشغل عشان ما تجيبون العيد 🌚💔*

بعد ما تأكدت انها نشفت تمامًا حطيت لصق ولونت عشان يطلع التلوين مرتب، او لونوها بالشكل اللي يعجبكم، بعدها نتركها تجف ونشيل اللصق ما نشيله على طول عشان ما تتلخبط :(

النتيجة ✨

ترررررااااا ✨

وتقدرون تستخدمونها تحت الشموع بعد كديكور 👌🏽

السلام عليكم ورحمة الله وبركاته 

سلام | كيفكم

اليوم بشارك معكم وصفة عصير "عوار قلب" المشهور، عاد الحين وقته صدق بهالحر

الكمية: تكفي لـ ٣ أشخاص.

المقادير:

موزتين

نص كأس حليب

٨ حبات فراولة

حبة مانقو (حطوا اكثر لو تحبون الطعم اوضح 🤤)

٥ ملاعق ايسكريم مانقو

الطريقة:

نقطع الفواكة عشان تصير اسهل بالخلط ممكن نحطها بالفريزر عشان تجمد، بعدها نحطها بالخلاط مع الحليب، اذا حسيتوه ثقيل ممكن تزيدونه حليب، يفضل تحطونه بالفريزر قبل التقديم عشان يسرسح 🤤💛💛

وبالعافية ✨

السلام عليكم ورحمة الله وبركاته 

مرحبا | كيفكم

غالبًا لما نجيب طاري سفرة للكويت يكون الجدول مزحوم أسواق ومطاعم .. مع أن الكويت لما بحثت عن أماكن سياحية لقيت أشياء تجنن ونشاطات ممتعة 😭💛💛 بنتكلم بهالتدوينة عن ثلاث أماكن، بس معليش التصوير مش ولا بُد فلا تدققون 🙈💔💔 واحرصوا تتاكدون من موعد أغلاق قبل تروحون 👏🏼

طبعًا في أماكن كثير بس بحط لكم ٣ أماكن زرتها وأعجبتني 👍🏽 بحط نبذة عنها أول بعدين بكتب رأيي فيها 👏🏼

الكرة الكاشفة في أبراج الكويت:

"تقع أبراج الكويت على الخليج العربي وتتكون من برجين أساسيين وبرج ثالث أصغر حجما.

البرج الرئيسي فيه مطعم وكوفي، والكرة الكاشفة وهي على ارتفاع 123م فوق سطح البحر وتدور دورة كاملة كل نص ساعة وتتوفر فيها كافتيريا."

تخيل إنك واقف والكرة تدور فيك وتتأمل الكويت كاملة 😭💛💛 طبعًا المكان فيه كافتيريا بسيطة فقط بس المطعم والكوفي تحت، تدخلون الكرة بتذاكر *ما اتذكر سعرها للامانة* بس تأكدوا انها مفتوحة وتستقبل الزوار قبل تضربون لها مشوار، اللي يخاف من الاماكن المرتفعة أو يدوخ من الدوران لا تأخذونه ما راح يحب المكان 😂😂

صور للمكان:

الصور لاطلاله البرج 

متحف شهداء القرين:

"بيت القرين هو منزل في منطقة القرين كان أحد مراكز المقاومة الكويتية إبان الغزو العراقي للكويت و وقعت فيه معركة في 24 فبراير 1991 م، قتل على أثرها 12 من أفراد المقاومة. وقام المجلس الوطني للثقافة والفنون والآداب بتحويل المنزل إلى متحف لتخليد ذكرى الشهداء، بعدما أمر الشيخ جابر الأحمد الجابر الصباح بتحويل البيت الذي دارت به المعركة إلى متحف تاريخي."

المتحف عبارة عن بيت كانوا يتواجدون فيه افراد المقاومة وكانت تحاصرهم الدبابات والجنود بأسلحتهم، البيت مليان اثار طلقات وأثار صواريخ مؤلمة 💔💔، فيه صور لأفراد المقاومة وقصصهم وفي الخلف فيه مقتنياتهم، بالأضافة للدبابات والباصات اللي برا بنفس مكانها ذاك الوقت عشان تعيش الشعور، المكان بيجذب الناس المهتمين بهالفترة واللي عايشوها 💔💔 *الدخول مجانًا 👏🏼*

صور للمكان:

المركز العلمي:

"يحتوي المركز العلمي على ثلاثة أقسام هي (الأكواريوم) وقاعة الاستكشافات وقاعة سينما (آيماكس). وهو الأول في الشرق الأوسط الذي يحتوي على هذه المرافق الثلاث. بالإضافة إلى متحف يمثل صناعة السفن التي سبق استخدامها في التجارة ونقل البضائع."

طبعًا المركز مليان أطفال كونه مناسب لهم بعد، انا هنا راح اتكلم عن الأكواريوم كوني رحت المركز عشانه، المكان يجنن ومليان أحواض  عملاقة فيها أنواع الأسماك وموجود حوض للقرش بعد 👌🏽 الجزء اللي يمثل الصحراء للاسف خيب ظني وقعدت أدعي أن  جزء البحر أحلى وحمدلله كان مثل توقعاتي وما صدمني 😂😂 سعر التذاكر يختلف حسب القسم اللي بتدخلونه وفيه تذكرة للمركز كامل *سعر تذاكر الأكواريوم لحالها بـ ٣ دنانير* 

صور للمكان:

اليوم بهالتدوينة راح اتكلم عن رواية: خوف

للكاتب: أسامة المسلم

نوعها: خيال علمي

عدد الصفحات: ٢٨٦ صفحة

الرواية خيالية أو سيرة ذاتية كما وصفها الكاتب، أحداثها مخيفة نوعًا ما (مو كثير) لكن شيقة عن شاب محب للقراءة والنقاشات دخل عالم الجن بإختياره، بعد نقاشه مع رجل مسن عن العالم الآخر  فاعطاه كتاب ليقرأه، وبعدها تتوالى الأحداث

الرواية جاءت على شكل فصول كل فصل يشرح حدث معين، الحوارات سهلة وجميعها تقريبًا بالفصحى عدا حوارات (دجن) كانت بالعامية، عشان كذا أتوقع حبوه الناس 😂💛

الكتاب من جماله خلصته في يوم واحد 😭💛💛 الأحداث شيقة وممتعة مع أن فيه شئ ما فهمته في الرواية إلا وهو أن كل قرين يموت يموت معه صاحبه والعكس، ما عدا (ملاس) قرين (سالم) توفى سالم بس هو ما مات للحين ؟! ودجن بعد نفس الشي، هل لها علاقة انهم يصنفون كـ قرين متمرد أو لا 🤔

النهاية ما كانت مبهرة زي البداية بس يشفع لها أن فيه جزء ثاني وأتوقع أن هذا السبب في بساطة النهاية ✍🏼

اقتباسات:

وبس لهنا وصلنا للنهاية 

السلام عليكم ورحمة الله وبركاته 

مرحبا | كيفكم