بسم الله الرحمن الرحيم
سلام | كيفكم
بما اننا في بداية السنة وما زالنا بسالفة الأهداف والعادات اللي نبي نكتسبها حبيت اتكلم عن طريقتي لتحفيز نفسي على القراءة لان احد قرارات سنة ٢٠١٩ كانت كل اسبوع كتاب.
كنت احس اني ما راح استمر مع اني احب القراءة بس قلت اجرب والى الان ولله الحمد ملتزمة، فحبيت اشارك معكم الاشياء اللي حفزتني.
كنت احس اني ما راح استمر مع اني احب القراءة بس قلت اجرب والى الان ولله الحمد ملتزمة، فحبيت اشارك معكم الاشياء اللي حفزتني.
"الإنجازات الكبيرة لا تحتاج لأكثر من عادة يومية صغيرة."
يلهه نبدأ:
______________
______________
الاشياء اللي ساعدتني على الالتزام كثيرة ومنها:
مشاركة الانجاز:
كل نهاية شهر اشارك صورة لعناوين الكتب اللي كتبتها بتقويم بوكتشينو في الانستقرام، وبعد انزل اقتباسات من الكتب اللي اقراها بالستوري، هالشي يحفزني عشان اقرأ اكثر كون المشاركة تخليك تلتزم دائمًا وتحس بالمسؤولية.
تقدرون تشوفونها بحسابي: Random_fofz
تحديات بوكتشينو:
من اكثر الاشياء اللي احبها هي التحديات وجا تحدي بوكتشينو عشان يشجعني للقراءة، خاصة ان التحدي اللي هم مسوينه منوع وفيه كتب ما قد فكرت اقرأ عنها مثل: علم نفس الطفل!
الحلو بعد انهم مسوين تقويم شهري للقراءة تكتبون فيه عناوين الكتب اللي قريتوها طول السنة، وبعدها يصير تكتشفون ميولكم في القراءة وتتابعون هدفكم.
بتلقون التقويم وقائمة التحدي في حساب بوكتشينو: bookccino
الحلو بعد انهم مسوين تقويم شهري للقراءة تكتبون فيه عناوين الكتب اللي قريتوها طول السنة، وبعدها يصير تكتشفون ميولكم في القراءة وتتابعون هدفكم.
تقسيم الهدف:
نحتاج عشان نكّون هالعادة انها تكون سهلة عشان نستمر عليها، وبتدوينة الاهداف هنا كتبت ان الاهداف اذا تقسمت تصير أسهل.
نقسم الهدف إلى خطوات صغيرة قابلة للتنفيذ أي تقسيم الاهداف السنوية إلى شهرية، و
نقسم الهدف إلى خطوات صغيرة قابلة للتنفيذ أي تقسيم الاهداف السنوية إلى شهرية، و
اختيار الكتب:
من الاشياء المهمة في استمرار القراءة هي اختيار الكتاب المناسب لمستوى القارئ، واللي تناسب ميوله، لانك ماراح تستمر بفعل شئ ما تحبه عشان كذا اختر الكتاب اللي تستمتع وانت تقرأه، بالنسبة لي صعب أخلص كتاب ما احبه واسحب نفسي سحب عشان اخلصه.
هالنقطة مهمة بعد، البعض عشان يحس انه أنجز لازم يقرأ كل حرف بالكتاب ولا يعتبر نفسه ما خلصه، انا مثلًا اتجاوز الفهرس، والمقدمة احيانا، وبعد اذا فيه بالاخير نبذة عن كتب اخرى للمؤلف او المترجم، يكفي انك تقرأ المهم بالكتاب مو الاشياء الثانوية.
استغلال وقت الفراغ:
أكثر كلمة تنسمع حاليًا من عنده وقت يقرأ، مع ان نصف الوقت يضيع على اشياء مالها داعي، بالنسبة لي احط القراءة من ضمن الاولويات بقائمة مهامي لليوم. تقدر تنجز مهمة القراءة بأي مكان، حلو انك تقرأ بالوقت اللي تكون فيه بالانتظار، بالسيارة، قبل النوم وهكذا. انا بالانتظار ممكن اخلص صفحات يومين بما اني انلطع دايم 💔
قبل الختام:
جميع الاقتباسات من كتاب: 27 خرافة شعبية عن القراءةللكاتبين: د. ساجد العبدلي، عبد المجيد حسين تمراز
____________________________
وبس لهنا وصلنا لنهاية التدوينة اتمنى انها اعجبتكم وكانت خفيفة عليكم.
ولا تنسون تتابعوني بالانستقرام وتويتر على: random_fofz
وهنا كود السناب شات 🌿
